Азийн Хөгжлийн банкны санхүүжилтээр хэрэгжиж буй “Эрчим хүчний сүлжээнд ашиглах том чадлын хуримтлуурын төсөл”-ийн хүрээнд “Эрчим хүчний салбарын жендэрийн эрх тэгш байдлыг хангах /2023-2032/стратеги төлөвлөгөө”-г боловсруулж байна.

“Эрчим хүчний салбарт хэрэгжүүлэх жендэрийн стратеги төлөвлөгөөг боловсруулж батлуулах ажил”-ыг гүйцэтгэхээр зөвлөх баг болох Жендэрийн үндэсний хорооны дэргэдэх “Монголын хуульч эмэгтэйчүүдийн холбоо”ТББ ажиллаж байгаа ба зөвлөх багийг бодлогын удирдамжаар хангах үүрэг бүхий хамтарсан ажлын хэсгийг эрчим хүчний сайдын А/95 дугаар тушаалаар 2022.05.06-ны өдөр байгуулсан.

Ажлын хэсгийн хурлуудаар эрчим хүчний салбарт хийсэн “Жендэрийн нөхцөл байдлын судалгаа”-ны тайлантай танилцан, “Эрчим хүчний салбарын жендэрийн эрх тэгш байдлыг хангах /2023-2032/стратеги төлөвлөгөө”-ний шалгуур үзүүлэлтүүдийг хэлэлцэн, стратеги төлөвлөгөөний төслийг боловсруулаад байна.

“Эрчим хүчний салбарын жендэрийн эрх тэгш байдлыг хангах /2023-2032/стратеги төлөвлөгөө”-ний төслийг ЭХЯ-ны вэбсайтад 1 сарын хугацаанд байршуулан олон нийтээс санал асуулга авсаны дараагаар ЭХЯ-ны Сайдын зөвлөлийн хурлаар хэлэлцүүлэн баталж энэ оны сүүлээр эрчим хүчний салбар нь салбартаа баримтлах жендэрийн стратеги төлөвлөгөөтэй болох юм. Иймд тус төсөлтэй танилцан саналаа тайлбарын хамт ажлын хэсэгт kh.enkhuush0322@gmail.comхаягаар ирүүлнэ үү. Холбоо барих утас: 94995479, 91114655.

Мэдээний төрөл: Мэдээ мэдээлэл