2024-04-24 08:27:00

Эрчим хүчний дэд М.Баярмагнай “ЭБЦТС” ТӨХК-ийн Өвөрхангай салбарын инженер техникийн ажилчидтай уулзаж, салбарын цаг үеийн мэдээлэл өглөө.

Дэлхийн банкны санхүүжилтээр “Эрчим хүч -2” төслийн хүрээнд Өвөрхангай аймагт хэрэгжсэн ажилд энэхүү салбарын хамт олон чухал үүрэг гүйцэтгэн ажилласанд талархал илэрхийлэв.

Монгол Улсын Засгийн газраас хэрэгжүүлж буй Шинэ сэргэлтийн бодлого, Эрчим хүчний сэргэлтийн зорилтуудад багтсан зарим томоохон төсөл хөтөлбөрүүдийн явц байдлын талаар танилцууллаа. 80МВт-ын хүчин чадал бүхий Том чадлын батарей хуримтлуур, Амгалангийн дулааны станцын 116МВт-ын өргөтгөл ашиглалтад ороод байна. Мөн ирэх тавдугаар сард “Дорнодын дулааны цахилгаан станц” ТӨХК-ийн 50МВт-ын өргөтгөлийг хүлээн авна.

Өвөрхангай салбар 126 ажилтантайгаас Арвайхээр суманд 75, бусад 22 сум хоёр багт 71 ажилчинтайгаар цахилгаан эрчим хүч түгээх үйл ажиллагаа эрхэлдэг. Мөн Баянхонгор аймгийн долоо, Өмнөговь, Дундговь аймгийн тус бүр нэг сумыг хариуцан ажилладаг.