Эрчим хүчний яамны Төрийн нарийн бичгийн дарга Н.Тавинбэхээр ахлуулсан ажлын хэсэг баруун таван аймгийн эрчим хүчний салбарт Улсын төсвийн хөрөнгө оруулалт, гадаадын зээл тусламжийн хөрөнгөөр хэрэгжиж буй төсөл хөтөлбөрүүдтэй биечлэн танилцаж, тулгамдаж буй боломжит асуудлыг газар дээр нь шийдвэрлэж, холбогдох ажил хариуцсан албан тушаалтнуудад үүрэг даалгавар өгч байна.

Ажлын хэсэг Завхан, Увс аймагт 2023 оны 07 дугаар сарын 30-31-ний өдрүүдэд ажиллаж, БНСУ-ын “ЭКСИМ” банкны хөнгөлөлттэй зээлийн хөрөнгөөр хэрэгжиж буй “10 аймагт дулааны станц барих төсөл”-ийн барилга угсралтын ажил, мөн Улсын төсвийн хөрөнгө оруулалтаар хэрэгжиж буй сум, суурин газрын цахилгаан хангамж, шугам сүлжээ, дэд станцыг шинэчлэх төслийн хүрээнд “Дооно ойгон” ХХК-ийн гүйцэтгэж буй Завхан аймгийн Отгон, Цагаанхайрхан, Тосонцэнгэл сумдын барилга угсралтын ажил, “Оточ-Эрчим” ХХК-ийн гүйцэтгэж буй Увс аймгийн Зүүнхангай сумын барилга угсралтын ажлуудтай газар дээр нь танилцаж, ажлыг эрчимжүүлэх, төслийн хэрэгжилтэд анхаарах шаардлагатай асуудлуудаар гүйцэтгэгч компаниудад үүрэг даалгавар өглөө.

Мэдээний төрөл: Мэдээ мэдээлэл